鳳梨酥

上個星期六家姐個同事Wendy 教整鳳梨酥, 好好玩啊... 好開心啊..... 雖然有好多功夫要準備, 又要用力去揉, 但有時又唔可以太用力, 不過整個過程係好好玩, 太興奮了. 班friend 話好味到好似買咁呀..... 佢地食得咁開心, 我真係好開心呀 :)

制成後先記得影相, leon 話張相好似臭豆腐喎.... ha...又係喎..... 笑死人!

病倒了

感冒. 特別係無人照顧下變得更加嚴重. 今天上班好累, 頭痛, 口龍痛+無氣力, 討厭死! 原本去fun fair開心下, 好耐無尖叫和大嗌喇, 不過未玩就出唔到聲, 點去呢? 工作又唔多順利, boss呢幾日又好似心情好差咁,做咩佢都唔係咁滿意, 一D笑容都無, ........Ai....... 快d好番啦, 就快weekend喇, 好想去玩呀....

普通話

中學一年級學過普通話之後就未正式學過, 呢10幾年以為溝通到就可以,不過呢一年好似退步哂,發音又唔準, 廣東話咩少少音就當係,好難聽,所以搵左個一對一既老師學, 好好玩呀, 陳老師教得好好,佢唔係死版教學, 係輕鬆咁好似朋友傾計咁, 我覺得好有興趣繼續上堂, 同埋d時間過得好快呀, 所以好開心呀,希望努力學,雖然現在的工作未用得著, 不過我相信學識左係自己既,一定有用.

Prison Break

Prison Break 結局了,太好睇喇,真係好緊張呀,緊張到好似我自己都有份逃咁,個心跳得好緊要,跳得好快好快,好好睇呀...呢套電視劇係我20幾年黎最好睇既劇,呢幾個星期二我都盡量唔出夜街,宜家結局左,似乎有D失落.幾時有Series 2呢??

每天愛Honey 多一些

Honey 出trip 一個星期, 出發前佢做哂家務, 又清潔哂屋企. 佢話等我可以舒舒服服. 其實佢真係對我好好, 係超級超級好, 佢真係好照顧我, 好錫我, 佢係..........我的驕傲!

藍草莓意大利芝士凍餅

上星期五整左個blueberry cheese cake 番公司比同事食, 個個都好鍾意, 個個都食得好開心, 見佢地開心, 我都好開心! 哈.....好低能, 我自己又整埋個美女廚房既分牌, 一邊係10分, 一邊係9分,因為太好味, 無得唔比滿分 :)
其實有D新玩意都係增加同事與同事之間既感情, 我整又得開心,佢地又可以笑下玩下, 都幾好丫.

David Copperfield

今日Ceci話去工聯會學魔術, 要做女版大衛高柏飛, Ha... 佢真係可愛到不得了, 講講下又令我想起係美國讀書時睇大衛高柏飛既魔術Show, 真係好好睇, 有幾個場面我仲好清楚記得. 小時候成日係電視見佢變走自由神像, 我會話假, 不過我17歲後就相信佢了, 如果有機會都想再睇.

一生中最重 = 肥

晴天霹靂!!!!!! 我想現在的我是一生中肥既日子, 我竟然比自己有122磅,係55.8kg, 差唔多123磅.................... 呢個冬天好多衫都著唔番, D褲又迫爆, D衫幾靚都無用, 點著都成舊野, 呢幾個星期唔係幾肯上磅, 都知道唔係好事, 但都估唔到有55.8kg架....好想喊啊...

其實係11月都開始有不同既親朋好友話我肥左, 大隻左, 我比藉口自己係我心廣自然體胖......不過上星期連洗手間果個亞姐都話我肥左好多, 叫我修下身......嗚嗚嗚嗚嗚嗚嗚........

我要努力減肥!!

瘋狂愛上保齡球

我真係好鍾意打保齡, 鍾意到連發夢都夢見有時又掛住下, 有時仲會想到唔捨得訓,日思夜想, 好似跟保齡談戀愛咁呀, 好想快D到weekend可以見見面, 我對Honey唔住......... 我移情別戀.

但係............練習左幾個星期既保齡球, 正常應該越打越好, 點解我會越打越差, 轉唔到球不特只仲連所有動作姿勢都變得不正確, 我問題出現係邊? 打左成晚無一球係值得回味, 唔係幾開心, 飯都食唔落.........

好氣餒

工作唔係太開心, 好想轉工, 我有努力搵有send 信不過無回音, 係呢d年尾既日子都日日有人走, 幾時先有我份.......

NEW start

講左好耐話要create既blog, 终於整好喇, 雖然呢個project 唔難開始但原來我都講左大半年, 又証明左好多野得個講字唔去做係無意思既.
07年唔要再懶惰, 要所有target慢慢實行!