可愛BB

雖然話今日係初三赤口不適宜拜年, 不過我都去左探我個契仔同埋琳琳同星仔, 契仔下個星期就1歲, 琳琳同星仔分別2歲半同1歲半, 嘩.... 同3個bb玩左短短既下午, 已經累死了, 小朋友真係energy勁過人,走來走去, 識講野既又不過講野, 問問題, 又成屋都係玩具, 又坐住架車仔周屋走, 不過佢地真係真係好可愛.

送狗迎豬

係狗年既最後一日同屋企人食過團年飯後就去左荃灣大賭局, 以往係一間麻雀房要迫成差唔多20人, d friend 勁食煙, 成間房煙霧彌漫, 好似黃大仙咁, 又煙, 又蒙, 好搞笑, 十幾人圉住一張枱玩, 又因為太煙, 要開住門玩, 不過今年d friend好叻, book左2間房, 所以玩得好舒服 :) 玩左成晚贏下輸下最後都係贏得$20, 不過玩得好開心......番到屋企訓都5am了 zzzzzzzz

每年既新年都係好忙碌, 早出晚反, 忙拜年, 仲忙過平日番工, 不過係開心既....

今年係第一年派利是, 心情ok 喎, 都幾開心. 我見到honey 派利是個樣好開心, 我見到佢咁都有d幸福既感覺, 我想佢見到我都一樣掛 :) 派利是都算係我地一種新玩意.....老實說見到人開心我地反而幾開心....... 之前準備既利是已經係大賭局派左D , 初一初二又派左d, 明天都會去拜年, 黎緊仲有公司同事, 仲有好幾班唔同既friend要gathering, 我想我唔夠經驗, 準備得唔夠好..... 有一樣野唔係好慣係出街要帶定利是, 隨時撞到朋友....

新年快樂!

日記 與 blog

不嬲都有寫日記既習慣, 寫寫下原來都寫左十幾年, 我最鍾意係日記上畫下公仔, 行錯路又會晝埋行錯左去邊, 之後又晝番行去正確既係地方, 我又低能到有d對話都寫埋出黎, 又有時睇完d戲票又貼埋上去, 好多好多無撩野, 心事, 心情, 開心唔開心都會記哂係日記到, 第日睇番係好好笑架.

宜家咁多人寫blog我都想試下玩, 都幾得意既, 可以post埋d相, d friend又會留言, 不過都唔習慣晚晚update, 仲有我出現左個問題, 日記同blog都係我既心事簿, 但我寫出黎既野係唔同架, 同埋忙左好多咁, 唔知寫得邊樣.......

草蜢演唱會2007

一起森巴舞　撥走不滿發洩發洩你苦悶

一起森巴舞　彈開不滿讓痛快與困惱交換　Ｗoo

Ｌonely.......夜闌夜深夜靜時Ｌonely每日每刻盼望你....有沒有可能即刻解我癡

獨個感Ｌonely　萬人共歡亦獨嘗Ｌonely醉著醉醒叫喚你　今生裡沒你沒意義

演唱會好好睇, 亞細跳舞好型呀, 勁唱佢地既勁歌, 好high呀, 雖然坐山頂位但都high到可以企哂起身, 聽左好多舊歌, 唱快歌時會諗起中學啦啦隊用佢地既歌, 唱慢歌時又想起以前放學後去karaoke 成日repeat又repeat..................原諒我是我, 我們都是這樣失戀的, 失樂園, 半點心.......

好多好多回憶呀......

壞天氣

呢2日心情唔係幾好, 唔知想點咁....
近來樣樣野都唔如意....事業唔順利, 搵極都搵唔到工, 又無愛情, 因為Honey已經變左親人, 即係愛情==親情, 我唔制呀, 我仲想有男女朋友見唔到面而又掛住個種感覺, ....... 身體又唔健康, 上星期感冒睇左醫生, 呢個星期仲未好, 仲多左鼻水tim......

要搵d野沖擊下先得... 如果唔係, 唔知要唔開心幾耐呀 :(