再見親愛的SMBC同事

兩年了, 原來係好唔捨得, 唔捨得好多好同事

由我工作唔太開心, 係上個月終於辭職, 我以為可以了結心事, 原來我超級唔捨得

果日resign我仲好堅強, 之後時間過得好快, 開始唔捨得同事們, 有d客我都好唔捨得, 話哂都跟住佢地account咁耐, 仲有老板們幾次有誠意地請我留下, 如果心軟些少我想便留低了.

我第一次做銀行, 所有野都係由零開始, 由唔識變學識. 多謝佢地咁有心機教我 .

Cherry 同 Iris係同我同一日入職, 仲好記得我地一齊orientation, 一齊上Training, 一齊做錯野, 一齊過難關, 然後亙相鼓勵, 雖然已經兩年, 不過感覺仲好近, 我早已稱佢地係我出生入死既姊妹喇

仲有，兩年年資係雖然短, 不過因為工作關係同部門既新同事第一天都係我照顧佢地, 佢地話第一個認識既朋友就係我, 我當時真係好感動，快要喊出來了．

我係呢間公司認識好多好多好多好多好同事, 有些已經變左好朋友, 時常見面, 時常通電, 吃喝玩樂, 促膝談心.......
Anyway, 我唔愛我既工作係事實, 我愛我既戰友亦係事實, 真係好唔捨得佢地呀.....

Last day 既 farewell dinner + party, 好開心, 好多謝佢地

好感激一些朋友

Mizuguchi-san

Nishimura-san

Kerr

Wilson

Joanne

Leon

Edgar

Angus

楊千嬅 x 古天樂

昨晚睇左楊千嬅演唱會，超級興奮，因為楊千嬅請左古天樂做嘉賓呀

古天樂無唱歌無講野，只係攬住千嬅跳舞，已經好有型，佢好好好靚仔，最尾古天樂仲錫左千嬅一啖，千嬅好似係唔知架，１０秒咁長呀，勁多尖叫聲，我梗係有份嗌果個啦!

今日報紙娛樂頭條係 "千 嬅 古 仔 情 深 咬 唇"，我勁勁羨慕呀．．．　

感動的結婚典禮

剛過去既星期日係Ricky既結婚大日子, 我下午參加了他的結婚典禮. 我好想記下因為實在太感動.

Ricky是我係公司因事務認識的, 做事認真快手, 別人的事也很上心落力! 他樣子傻傻, 少說話多做事但較安靜.

結婚典禮在church舉行, 唔覺得沉悶, 仲覺得幾好玩, d詩歌幾新潮架, 歌曲全部好輕快, 我都想跟住一齊唱當然無啦, 因為我都唔識唱. 我見到新娘子個身擺擺下tim! 之後到佢地致謝詞, 我覺得佢地講得好好, ricky原來口齒伶俐, 多野講但唔怕羞, 仲幾有趣, 會開玩笑. 再之後, ricky 比左個suprise佢太太, 佢自己彈結他加唱王非既" 我願意", 佢一唱我就忍唔住流眼淚, 好感動好感動, 實在太正喇..... ricky 話佢以前唱過比佢太太聽, 不過未試過係咁多人面前唱, 我覺得佢好好, 好勇敢呀!

祝他們幸福快樂, 快d生個可愛BB