控制體重

9月25日 - 寶寶23週

上星期六去左羅醫生到檢查, 今次好多人啊, 等左一個鐘都未有得睇.

羅醫生講番上次20週時做既結構掃描, 份report 話寶寶有一邊腎比正常大, 醫生話多數都無事, 不過要一路觀察住. 我都為呢個問題有d擔心, 不過我們信任羅醫生!!

寶寶現在520g, 大約一磅! 醫生話已經睇唔到有幾多cm長! 醫生又話寶寶係very活躍, 係大頸仔一名! 似媽媽???

比起上次6週前見面, 我加重左9大磅呀, 現在135磅腰圉37吋, 肚子睇落唔算大! 自己肥哂! 醫生叫我控制體重, 平均一星期唔可以多過1磅, 可能中秋節前後真係食多左幾多野!

一個朋友生時得39吋, 一個朋友生時得42吋, 我5個半月就已經37吋, 人地話8個月時肚子仲會突然變大, 好驚呀!!

爸爸給寶寶的第一份禮物

寶寶daddy用沙田柚整左個中秋燈籠送比寶寶, 雖然手工差d 不過有心思又幾精美, 又幾搞笑, 怪不得這星期寶寶係媽媽肚子裹表現興奮啦. 算比面daddy 啦 :)

哼!!! 竟然比honey搶先一步送野比寶寶, 唔得! 我都自制一d勞作先!

澳門遊

公司夏季旅行去澳門玩, 仲住Venetian, 我期待左好耐架喇

廣告賣得咁勁, 想睇下有幾靚有幾似真正既意大利威尼斯

係幾大既, 不過唔係真係咁靚,有少少內地味道, 不過睇得出有心思去搞既.

搞笑係入到房無耐發現廰中間支潔而涼, 哈哈哈哈哈...... 肯定係清潔亞嬸留低啦.......

室內景黎架, 影相出黎靚d!

當晚係公司安排係Venetian食buffet, 其實我都唔志在既, 我情願出去食正野.又加上可能之前有人中毒, 所以無咩好食, 好彩之前出左去食左碗魚翅麵, 魚翅波同豬扖包都係第二日自己出去食開心d.... 先食隻炸雞先! 係今次去澳門既主打.

第二主打係九如坊木康蛋糕, 張張檯都食架之後再行下食下, 海鮮麵, honey話超好味, 我之前唔知食左咩食唔落......

食與食之間走左去漁人碼頭, 車...... 都無人既.... 咩都無開, 又熱, 想死!! 又食魚翅? 係, 又食呀, 唔同鋪架, honey唔比我食太多, 只係叫左細細碗.

總結都ok好玩既, 下次都係要同多d人一起去好玩d, 又可以食多d野, 我會帶埋我既第三者一起去 :)

樂樂B - 1st 生日快樂

話咁快樂樂B就一歲大了...

樂樂媽話有日連工人姐姐都話樂樂無咩靚衫, 只有屋企著既衫仔!

所以琳姐姐決定要做樂樂既形像設計師

又加上樂樂開始學行, 梗係送樣有意義既禮物比佢啦.

鞋仔好得意呀呵!?

希望樂樂快高長大, 健康快樂!

第三者

我和Honey之間出現左第三者!!!

怎樣說呢?

我愛他, 我想他都一樣愛我

他喜歡痴住我

他喜歡跟我周圍去

他喜歡跟我周圍食, 我食咩佢食咩

他喜歡聽我講心事, 聽我唱歌

他喜歡認識我所有親朋好友

他說會跟我一輩子, 不離開我

他說要做我的最愛

他還懂得關心我的

他出現的初期, 我心裹好忐忑

不知怎樣面對, 喊左好幾次

有時候他會令我唔舒服

有時候他會控制我心情

他跟Honey好相似, 不反對我做任何事, 只會支持我

跟Honey同樣唔太愛朱古力, 不過遇到我想吃的時候他總願意陪我吃過夠

經過5個月的親密相處後,

我想我真的戀上他!!!

這個第三者事實還在我的肚子裹.... haha....

我快要當上媽媽了!!!