我有個男仔好朋友 (簡稱A), 以前我們差不多每天都通電話, 除了我去旅行去左20幾日之外, 我地未試過咁耐唔聯絡, 上個月佢屋企有事我幫不上忙, 之後我們就再無聯絡.
我想如果我們就這樣沒有朋友做,確實有點可惜 !
事件發生係1個月前.........
8月30日星期六
好朋友A來電話佢需要錢, A媽媽要做心臟通血管手術, 通一條血管要$21,000 (兩個月前醫生話要$27,000一條), 醫生話現在要通6條,佢需要十二萬, 問我可唔可以幫佢問銀行借錢, 佢喊住要求我幫佢. 我問佢社會服理處申請成點 (上個月話要做手術既時候有朋友已經教A向社會服理處申請), 佢話上星期一覆左佢唔批, 社會服理處只係話因為收入問題, A話佢想上來我家同我傾, 我問佢係邊, 佢話剛剛係澳門回來輸左萬幾蚊, 我當時嬲爆, 你媽媽有病需要咁多錢, 你仲走去睹錢, 你媽媽需要錢唔係今時今日先知道, 係好幾個月前已知, 佢話想博一博睇下可唔可以博到12萬回來.
8月31日星期日
我打電話俾佢, 話不如試下幾個方法啦 1)問下醫生可唔可以暫時通住2-3 條血管先, 咁就唔洗咁急一次過搵12萬出黎 2)問下區議員幫唔幫到, 有無其他辦法, 唔通無錢醫生就睇住d人死? 3) 如果再唔係, 睇下可唔可以問幾個朋友分別借少少. 佢問我有幾多錢, 我話我得4萬蚊係for寶寶1月出世用.
到左夜晚我自己都好緊張呢件事, 所以訓覺之前我打比佢叫佢上綱搵定d區議員電話, 可以明早一番到公司就打比佢地, 我都唔知佢當時有無聽我講野, 佢只係第一時間叫我過住4萬蚊比佢, 叫我過錢比佢先, 佢話寶寶4個月後出世前會比番哂我, 佢話一個月還番一萬蚊比我, 我話 "咩呀, 你都未問醫生? 如果醫生話暫時可以通住2條咁你唔洗問我借啦", 佢話過左比佢先, 等佢早d準備喎, 叫我聽日過比佢, 我堅持話叫佢問下醫生先. 我問A你同家姐加埋有幾多錢, 佢話佢有2萬, 唔知家姐有幾多, 我話你唔問你家姐既? 佢話佢唔會問, 亦唔打算問, 佢話佢唔想佢家姐再煩咁多野. 講真, 你家姐都唔會要你一個人出哂錢啦!
你自己無好好想下就叫我過錢會唔會有d過份?
我果晚好嬲, 嬲到訓唔著, 3點幾仲諗緊件事.
9月1日星期一
早上我一番到公司自己上網搵左佢住果區既議員, 我打左好多個電話, 聯絡左好多個議員同佢地d助手, 講低左個case 比佢地知, 問下佢地仲有咩辦法, 我當時真係好似自己人咁好落力咁問, 中途10點半, 我打比佢, 因為d議員話幫我地跟進下, 想問下佢住邊座, 因為成個村咁大, 要搵番果座既議員辦事處和想問佢社會服理處果份既申請編號, 佢唔肯講仲 話 "得啦, 我自己會問架喇" 我又問佢搵左醫生未, 問左可唔可以通住兩三條先, 佢話佢未問, 佢話佢家姐下午先去醫院, 我問 醫生叫咩名, 我試下打去醫院問醫生今日幾點番醫院, 佢話佢唔知醫生叫咩名, (你同你亞媽睇咁多次醫生都唔知個醫生叫咩名???) 我真係好嬲!!!
到左lunch既時候, A打比我, 佢問我點搵上網搵d區議員電話辦工室, 我教佢之餘仲比左余議員既電話佢(余議員勁好人, 其實有幾個議員都勁好) 問佢地d野好有交帶會即係覆番我或者叫助手覆我. 我接住問A佢媽媽個地址同叫咩名, 佢死都唔肯講話佢自己都好想知議員需要咩資料, 佢話佢會自己跟番, 我同A講我留哂我個手提電話比所有議員, 佢地會覆番我, 我叫佢比定d資料我, 唔洗叫d議員打來打去, A叫我比哂d議員電話佢, 佢自己跟番.
2:00pm 我番到公司, 其中有個議員再打比我問朋友媽媽個名, 想幫忙check下社會福利處果份申請 (個個議員都奇怪社會福利處既答覆, 佢地話唔應該只係話收入問題, 佢地話就算收入問題都會覆家庭收入超額等等), 我用手提電話打比A
我問 "喂, 議員話今日無申請編號唔緊要, 你媽媽個名都應該可以check到呀, 你媽媽叫咩名呀?"
A竟然答我: 嘩, 呢個我真係唔知喎!
我: 下?唔知????
A: 唔係, 我意思係我唔肯定我亞媽個身份証係佢自己個名定係跟我老豆姓.
我勁勁嬲話 : 咁最多咪果姓唔一樣, 宜家個議員係另一個電話等緊呀!
佢先肯講佢亞媽個名!
3:00pm 我再打比佢問佢有無搵果個余議員, 佢話 " 有呀, 不過佢要社會福利處個申請編號同資料我無呀, 聽日先比佢" 我話"喂, 有另外一個議員打比我話撤瑪利亞基金可能幫到你, 只要你家庭銀行存款唔多過手術費既3倍就無問題架喇. 你叫醫生寫封信比你, 然後去問註院社工, 佢地會幫你申請!" A: "哦, 我家姐晏d去醫院, 我叫佢問下"
差唔多4pm我又打比佢, 因為分別幾個議同樣都見議撤瑪利亞基金應該ok仲好快.
我: 搵左醫生未呀?
A: 未呀
5:30pm 佢打番比我
A : 喂,果個係咪叫撤瑪利亞會呀?
我: 撤瑪利亞基金
A: aiya... 唔係"會"呀? 唔怪得個醫生唔識啦
我: 差個字都唔識? 唔係ma? 咁寫左信比你未呀?
A: 好似寫左喇 我: 咁比註院社工啦, 快d
A: 我家姐走左喇
我: 我咪叫左你搵註院社工囉!" 我已經好勞氣
到左晚上我11pm打比佢, 佢應該差唔多訓覺, 我問佢社會福利處個申請編號, 佢話份申請書唔係屋企,係佢家姐到!
我覺得成件事有可疑, 我真係唔希望佢詭我, 我同A講話跟honey商量後, 我借唔到錢比佢. 佢問我點解? 我話我都係得幾萬蚊, 唔方便借比佢. 之後佢話自己想辦法, 咁就收線.
9月2日星期二
余議員個助手打比我, 話撤瑪利亞基金會幫到我朋友, 我話你自己可以直接同我朋友講, 佢話都昨天再無人打比佢喇, 我無朋友打比佢!
係好失望!
9月2-4日, 我都打左5次電話比佢, 佢都無聽我電話又唔覆我, 到今天10月5日, 已經一個多月, 佢都無再覆我電話.
有朋友話佢嬲左我所以唔聽我電話唔覆我電話......
有朋友講笑話因為我窮所以無朋友做
朋友問點解佢自己唔問銀行借??
佢10年前因為幫人做擔保, 有人因為遲左一期交錢, 所以所有銀行都black list 佢喎, 我都問過了, 成10年前既事, 銀行係5-7年都release番佢個record出黎, 佢話佢問左8間銀行, 無一間借比佢喎, 我叫佢去promise, 安順果d借係高息少少, 不過要救亞媽都無辦法啦. 佢都唔肯!
想深一層, 我真係無對佢唔住喎....為什麼要嬲我? 好似我應該嬲多d喎... 我幫佢做左咁多野, 佢仲嬲番我轉頭!!
我堅持信佢亞媽係有事, 所以好想打比佢, 問候下佢媽媽.. 諗起朋友話 "你都無錢借比佢, 佢唔聽你電話架喇!"
係咪好可惜?
有大家共同既朋友都講, 佢亞媽可能係有事實, 不過佢自己係出面欠人錢都可能係事實!
有無賭仔過澳門輸萬幾蚊, 如果銀行有兩萬蚊都唔拎埋出黎賭丫?
...............
