fing頭

10月10日　（Isaac ８個半月）

今日見到isaac fing頭 (即係拒絕拎頭果隻) 我決定一定要記下來.

呢幾個月因為太忙，真係無時間update, 為搬屋又唔見左本日記簿,
好多關於baby 既野都唔記得幾時發生左

宜家書房係貨倉姐, 但起碼都有番張書台
好, 宜家要多多update, 日後baby自己睇番一家好搞笑, 嘻...............

新居

我住左中環8年, 但係最多只去銅鑼灣活動!
幾年前, 我連柴灣,小西灣,箐箕灣,咩西灣河我都未分得到.
上年有朋友搬進箐箕灣,我覺得好遠
今天我們竟然搬來了.
是,是柴灣區!

為了小寶寶, 我們由新界西搬去港島東, 真係一東一西!

兩星期了, 雖然我仲未相信這個事實,
不過最緊要係我既小王子住得舒服開心, 只要佢開心我就開心!

搬屋

9月份去左邊? 為什麼無update, 就是因為忙搬屋囉.

我地搬屋, 婆婆又搬屋, 係一星期內搬了2次屋, 好勁!

之前又忙pack野, 之後又要unpack, 宜家仲有好多野都未安定好, 燈又未買, 窗又未整好, 仲有好幾個箱未折, 好多野搞呀!

宜家個書房好似貨倉咁, 非常之多野!

老實說, 唔係無時間, 係地方有限而太多野無位擺!

DADDY, 如果可以住大d, 我地唔介意再搬多次屋啊!!!

坐再接住係企

8月29日 (ISAAC 7個半月)

早兩日BONNIE 姐姐話ISAAC 自己識扶住野企, 我話邊有咁快呀?
今日見到喇, 原來係真!

爬接住係坐

上個星期學識向前爬, 過兩日婆婆就話BB已經爬得好快, 又已經睇漏眼成個頭撞到沙發.

今個星期就由爬轉坐, 睇住BB自己搵辦法自己坐, 真係好得意:)

向前爬

8月13日

ISAAC識向前爬LU... 好開心, 係我好開心!
我覺得真係好得意, 一個BB由識轉身, 然後玩360度自轉, 再玩向後移, 今日終於見到向前爬, 我真係覺得好意, 好鍾意呢種"得意" :)

童話故事

Baby Issac 在5個月大時,有天honey投訴我唱既兒歌來來去去都係得兩首, 然後提議講故事

有天我講"狼來了"故事, 點知honey發現 "咦,好似無左牧羊人呢個角式既?"
咦,又好似係喎!

因為大部份既童話故事都唔太記得, 於是我去書局買左3本書故事書一共有30個多個故事, 例如好經典既灰姑娘, 白雪公主, 賣火柴的女孩, 國皇的新衣………打算自己先回顧一次, 然後先再講比baby聽

初初有幾個故事我覺得跟小時候聽既有唔同, 以為自己唔記得,誰不知白雪公主既ending唔同既? 竟然無左王子親吻公主既一幕,而是變成.........

"有一天一個王子走進了森林, 他看到水晶棺材裒的白雲公主, 一下子愛上了她, 王子求小矮人們把公主交給他, 小矮人看到他那麼愛公主, 就答應送公主到他的宮殿
在返回宮殿的路上, 其中一個抬水晶棺材的小矮人皳一根榭枝絆了一下, 水晶棺材一震, 卡在白雪公主喉嚨褢的那塊蘋果掉了出來, 白雪公主就醒了"

朋友話如果故事一模一樣就會侵犯版權.....

始終我較喜歡王子親吻公主既一幕, 浪漫好多, 舒服好多.

最後我都係自由創作講故事比baby聽, haa...... 我覺得自己都幾有創意 :)

半歲生日派對

7月12日星期日

上星期日參加左一個生日PARTY, 媽媽有份搞架, 同30個Babies一齊開生日會, 我地全部都係09年1月出世既BB黎架.
果日好開心呀, 有野食, 又有生日旦糕, 又有玩具玩, 又有抽獎, 又有遊戲玩, 仲有有好多禮物攞走tim.

可能我果日都幾靚仔, 所以有好多女孩子想認識我 :P

Ashely, 靚女黎架, 一開始佢借我玩緊既玩具同我傾計
我扮Cool唔彩佢, 佢就攞起我D玩具, 仲側身 i 落黎想引起我注意.....
第二個係欣欣, 又係靚女黎架, 欣欣係全埸唯一一個識爬既BB黎架, 不知幾叻.
佢等我合照等左好耐喇
仲好主動想搭我博頭tim
我就借D意玩玩具避開左, 唔好意思咁嘛... :D
第三個係蕎蕎, 佢就比較含蓄D, 不過佢對眼都電死人.....
呢3個靚女話唔定係我長大後既紅顏知己, HEE........

當然要識番幾個好兄弟啦.

ANYWAY,佢地全部都係我D Friend黎架.
最後大合照

下水禮

7月1日 (5個半月)

星期三媽媽帶我去游水, 超開心呀, 多謝媽媽買件咁靚既件泳裝比我, 不過係一件頭, 想show下我既胸肌都唔得, heee......

Daddy, 唔洗用水泡啦, 比D女孩子見到醜死架喇, 你扶住我出去游啦.

Daddy, 太淺水游唔到喎

嘩, 好正呀, D 水好冰涼呀, 不過太陽伯伯囇住我, 幫我搵個靚位先

呢個位唔錯, 不過少左D靚女

haha....呢個位就唔同喇
好舒服呀!!:)

Daddy咩事放低我?
我見到果邊有個女仔望住你
係咩?邊到邊到?

車....原來係媽媽!

Happy Father's Day

剛剛既星期日係父親節, 下午約左公公晚上約爺爺,當然仲有同DADDY行街街啦.

第一站先同公公飲個靚茶
公公話我勁可愛, 想單手抱起我同我玩
誰不知一抱上手先知我咁有份量, 加上我又同身郁, 差D跌左落地
其實我都唔驚, 最慘係公公仲比媽媽丙話佢危險, SORRY 公公!!
離開時, 公公: BYE BYE i 神
i 神?? 公公, 我叫ISAAC呀!!!

見未夠鐘食晚飯, 上爺爺屋企食支奶頂頂肚先
Daddy, 都係唔食住得唔得呀?

梗係唔得啦, 又係你話要頂肚先, 唔準傾計快D食!

後來最勁係發現爺爺d古董鐘
嘩…. 等我攞一兩件去賣幫補下d 奶粉錢先, 哈哈哈哈…..

開心笑

媽媽時時都叫我笑得斯文D, 唔好笑到個嘴仔咁大個......

唔係丫! 我覺得自己笑既時候幾靚仔呀:>

4個月打針

5月16日 (Day122 - 7.0kg)

又係時候見陳醫生, 不過我一D都唔驚, 一見陳醫生就主動同佢打招呼, 都唔洗媽媽提我, 不知幾叻仔.

睇下我BODY幾長, 仲長過姑娘個磅, 成隻腳仔都"突"哂出黎

ISAAC: BONNIE姐姐, 快D放番我落黎, 我隻腳吊到好累呀!
媽媽: 你快D落黎就真, 你咁重擲爛醫生個磅呀

7KG = 15LBS
醫生話以我宜家既身高, 我既體重就略為重左少少, 不過唔需要減肥.
醫生見我係咁笑又撩佢傾計, 佢話我一定係一個開心既小朋友TIM :)

17 Again

美國輕鬆喜劇
MIKE是學校裡的萬人迷, 籃球場上他是球隊的明星.
但他為了女友SCARLETT和未出生的小孩，毅然決定放棄一切結婚去。
20年後的今天，光輝不再，和妻子SACRLETT離婚收場；
本來可能升職的機會又泡湯，連自己的孩子也看不起自己。
連高中時的好友、現在成了富翁的書蟲同學阿叻也和他反面。
一次偶然而奇妙的機會，MIKE突然一夜年青20年，變回17歲時青春時代的自己...........

結局是怎樣都沒有關係, 重點是令我想起以前在美國讀書的日子,真的非常非常懷念

如果人生可以再來一次, 我想我也希望回到17歲

100 days

100日咁特別既日子, Daddy話要影相留念下我個靚仔樣

可惜Daddy攝影技術好流, 影到我個大肚dum同隻大肥脾出哂黎.


擺番個古天樂POSE型下先 :)
似唔似? 追唔追到女仔?

at least 一定俘虜到媽媽既心, YEAH!!!

3個月

睇下我大得幾快, 已經三個月喇
媽媽前一日叫Daddy去訂定旦糕, 話同我慶祝
你估我唔知係佢地自己想食咩

嘩,個旦糕又的確好靚喎,多謝Daddy,唔知媽媽比唔比我試一啖呢?
媽媽話好不過要同我影張相先食, Daddy又話想影
Bonnie姐姐又話要影,婆婆又話要影
影夠未? 食得味?
之後又話要唱歌先
Daddy你唱快D啦, 你睇我流哂口水喇
最後媽媽反口, 好彩婆婆同我切旦糕姐

我的3個月很快樂 :)