沒有你在身邊, 我的日子並不好過

你好嗎, 很掛念你啊....


以往工作上有阻滯, 跟你吐吐不快, 說說笑就可以忘記
真的很喜歡跟你聯天說笑, 我們每天都有好像有說不盡的話題
跟你一起開心快樂的時候實在太短


旅行後,繁忙和不愉快的工作同樣地纏身, 只有你離開我.........
我仍然用心工作, 但是少了你的共鳴和鼓勵

今天我又再遇上困難, 梗重傷至傷痕累累........
我心情壞透了
做什麼也提不起勁
還有失眠
我的笑容當然不知跑了那裹?

借用你的失憶正和笑容用下可以嗎?

鼓勵

碰到低潮, 自己鼓勵自己,

不需要乞求, 也不需要依靠別人, 別放棄自己

不愛溝通的性格

白羊座係勇敢直率, 敢做敢為, 活潑好動而且善解人意, 我覺得自己係typical既白羊座.

家人朋友說我總愛頂嘴, 其實我只想講出我既意見和感受, 對著最親密的人亦是最真情流露.

雖然處理別人紛爭和調解很有一套, 但類似問題落在身上, 無法瀟灑.

相同的白羊座也有9種不同性格, 我是不愛溝通的性格嗎?

07下水禮

暫別左半年既wakeboard終於再見面喇, 好開心呀.

其實未去歐遊已經話要去玩架喇, 不過當時天氣仲涼涼地, 怕去旅行前泠親所以唯有忍下先啦, 點知玩完番黎honey又出trip, 又等等等等.... 終於等到喇, 點知最近各海灘都有紅潮, 天文台又話有雷雨, 星期五仲落緊大雨, 我心想如果無雷暴警告落住雨我都要去玩, 華哥話 "邊到有人咁貪玩架".... 咁我真係好想玩丫嘛.......

早上起身無雨落, 太太太開心喇, 不過原本3個人玩, 點知家姐前晚工作到零晨, 所以最後得我同honey2個人玩,.....

係深水灣上船, 不過因為紅潮, 成個海都係紅色, 好多油咁, 其實都幾污髒架,華哥就開船帶我地去赤柱出面, 點知真係無事, d 海水清番哂, 仲有好多人wakeboard, 獨木舟, 仲有爬龍舟, 所以放心哂就下水玩lu........

咁耐無玩, 好彩無走樣姿勢仲keep到, honey繼續可以jump, 華哥已經無話我"渣流灘"已經好好.... heee... wakeboard果種感覺真係好正, 我既夏天番黎lu......

經過1.5小時, 2個人輪住玩係好累架, 玩左2轉已經投哂降.......

呀........由深水灣開船到赤柱途中, 因為都有一定既遠程而又個海又咁大,....華哥比我地試下開船, 又幾好玩喎.......快下慢下.......係我既人生又試左樣新野, 幾開心! : )

今日係好累好累....... 全身肌肉痛哂, 差d落唔到床.....

最後一次

我發誓.......


最後一次野蠻
最後一次講晦氣說話
最後一次做綠茶旦糕
最後一次食朱古力
最後一次比人蝦


我要學識有勇氣,堅持, 堅強, 仲有要珍惜.....

Happy Gathering

昨天很開心因為見左好多好朋友.....

下午跟Cri Cri & 細Tom tea, cri cri 有左BB已經7個月, 仲有12個星期就生得喇... 我都係第一次摸佢個肚皮, 成個籃球咁大呀......雖然平日有keep住通電話和visit 佢個blog, 不過都唔夠見到真實咁興奮,摸到唔捨得放手........ BB途中仲轉身, 又打"c egg", feel 到一下一下心跳, 我覺得好奇妙啊..... 佢地仲講到上產前班d恐怖野, 聽到腳都軟埋....

夜晚又約左另一班同學出黎食飯, update下大家既近況, 分享下旅行既趣事, share 下比人偷左個5千蚊既電話仲要比公安激死既苦況等等等, 咩都講一餐, 嘻嘻哈哈.... 之後仲去唱歌飲野, 快樂既時間永遠過得特別快架....

我好enjoy呢d gathering , 好鍾意呢d感覺, 好鍾意一大班朋友一齊吃渴玩樂, 仲有傾心事時有笑有淚.....

遊世界

真開心honey明天便回家, 可能從電話中知道他工作辛苦, 差不多每晚工作也到晚上11時,食物又唔岩口味, 有些心痛所以很想他快點回來....

除土耳其之外, 希臘雅典, 埃及和杜拜都係我夢寐以求的旅遊地方, honey 話由飛機上望落去地中海的小島好靚, 又話金字塔有50層樓咁高咁大, 太開心了..... 真的羨慕死我了.

Honey話留番下次跟我重遊時先慢慢欣賞喎....... 唓...... 他自己工作忙碌無時間四周逛逛吧...... :p

流星花園

這幾天天氣好壞, 剛剛過了的星期日仲黃色暴雨, 唔願出街, 於是又重溫番幾年前hit 到爆既"流星花園", 日夜瘋狂咁睇... 好鍾意道明寺, 如果有個男朋友好似佢咁就好喇, 道明寺好可愛呀, 鍾意佢成日偷笑果個樣, 同埋好溫柔果個樣子... 我係鍾意道明寺呢個角式....

今日iris 同cherry問我一唔一起lunch, 我答"唔喇, 我要回家睇流星花園和跟道明寺談戀愛", 竟然比cherry話我"神經病", haha... 我覺得好好笑, 好耐無聽過, cherry都係睇得太投入流星花園先至學左道明寺啦...... :)

掛念

每當Honey出trip我就好興奮, 一是現在我的工作沒有機會, 總希望他有機會吧. 二是我可以enjoy我自己在家的時間和自由自在.

以往我出國工作我都愛在當地stay behind, 我喜歡體驗當地既生活同文化, Honey 出外工作我都希望他看多點東西然後回來告訴我那個地方是怎樣的. 但每次他都因為時間緊迫沒有好好旅遊過.

我跟他從歐洲回來不到一星期他又要出去了, 今次飛去土耳其, 希臘雅典, 仲有杜拜, 仲有唔記得咩地方...... 今次仍然有好free既感覺, 不過唔知點解又有d好失落既感覺, 這幾天晚上也睡得不太好. 今天早上上普通話堂只是跟老師談起他平日的趣事, 我竟然眼有淚光, 我想我真的很掛念他.

我相信honey會比心機工作, 我也會係為佢打氣+加油!

回家了

2個星期既歐洲之旅話咁快就玩完回家了, 開心既時間真係過得特別快.
今次旅行好開心啊, 我覺得同上年有d唔同, 上年去左巴黎, 意大利, swiss, 今年去左london, 德國同荷蘭, 雖然成個歐洲都好相似, 不過每個地方總是有佢地既文化而又特別的.
遲差會慢慢告訴大家我係歐洲玩左d咩........ 睇住d相先啦....
未識擺條link係到呀, 不過我send 左email比大家, 收唔到就找我啦.