Last BBQ + hotpot in 2007

BBQ和打邊爐永遠係假期中都走唔甩既節目, 呢短短10日最少2個BBQ3個打邊爐, 熱氣死!
趁未齊人去沙灘玩下影下相先......

有d似bossini廣告
呢條木橋真實版仲靚, 不過我覺得我影都幾唔錯, 表達到有個深度
有人話是旦一個換個女孩子會好看d? ....... 我反而覺得2個男孩型d :)

打算拍攝一下當晚勁多野食既時間, 樂樂就出現了, 很可愛的BB!

個個都搶住合照樂樂當日唔太願意影相, 只掛住食野, cri cri話樂樂超級貪吃, 餵遲一秒都嘩啦嘩啦大叫.......

食飽又睡...... 做BB就好啦, 只有食, 睡和玩!

聖誕南丫島

聖誕節同honey去左南丫島一日遊, 睇風車加學影相. 佢係老師, 我係學生.

天氣唔錯呀, 唔多藍天好彩都有太陽. 不過都ok啦, 唔太熱唔太冷就最好.

我們先係榕樹灣落船行去睇風車最後會係索罟灣回中環.

由榕樹灣行去睇風車都好近, 途經都有好多商店, honey見到食物隻眼會發光, 一定唔放過, 我無好似佢反對我食零食咁殘忍, 我不嬲都唔阻止佢食野, 只怕佢食極都唔識肥姐

雖然行左20分鐘斜路, 不過都值得呀. 風車都幾大個, 同我地係德國見既一樣, 仲不停咁轉, 仲轉得好快, "付付"聲既聲音令人好回味

睇下邊個影得靚d先! 好彩都影得我同風車幾清楚同埋幾靚, 好野, 可以哂大相 :)老師話我影得好差, 唔合格! 佢話好似影到佢背脊"咩"住個大風車, haha....又幾似喎......

Honey原來重未出現係我個blog到, 佢話第一次出鏡要post張型仔d喎...mmmm... 我攝影既角度好有好大幫助.

係南丫島撞見Christine, 好興奮呀, 好耐無同Christine見面喇, 我排隊去洗手間既時候, 我感覺有個女仔企我身邊企到好埋, 我行開佢又貼近我, 原來佢整古我, 來個擁抱先 :)
話明去學影相我梗係搵d靚景然後叫Honey準備. 沙灘旁邊有排大大塊石頭, 我叫佢坐埋去比我影, 佢死唔肯仲話好老土, 佢話好似10幾年前拍果d karaoke MV喎..... 最後佢都唔肯望鏡頭.

係咩? 好老土咩? 佢叫我得閒睇多d攝影書.......... 車!!!

今日既行程唔辛苦仲幾好玩幾開心 :)

聯合國兒童基金會Charity Run

今年是第一次參加聯合國兒童基金會慈善跑, 地點在香港迪斯尼樂園和迪欣湖, 因為地點吸引和做善事, 所以都想出一分力!

5點15分起身, 6點到步集合, 仲好眼訓, 免強比d笑容.

Warm up 後精神哂, 天都光哂

Matt 同Jade話睇我頭, 如果我要跑一定陪我....好感動啊....... 跑前影番張先!

10公里比賽路線風景美麗, 不過有部份跑道偏狹窄, 有部份要重複賽道, 我比較喜歡最後2k的景色,左邊就係地圖上既大白灣, 右邊就係Hollywood Hotel.

不過當時太陽伯伯太開心, 最後1.5k直路時面對面跟我打氣 當時的我真的想合上眼精..... 加上因為肚子痛, 最後跑得好吃力.

最後以1小時2分鐘完成, 比預計時間慢2分鐘, 如果唔肚痛, 應該1小時完成, 唔緊要, 出年再參加!

雖然只得3千人參加, 不過中途也遇上新公司同事, 後來也撞見舊同事和仔仔, 佢今年8歲jar..... 好叻仔呀!

呢個計時晶片係扣係鞋帶上, 方便計出個人時間, 唔知我幾時先有最佳個人時間呢!!

最後要鳴謝隨隊攝影師honey, 多謝你寶貴的睡眠時間和細心的照顧, 令我可以輕鬆完全賽事 :)

樂樂 & Princess

每日我都會上幾個可愛BB 既blog到睇下有無update, 樂樂當然係其中一個, 不過佢daddymummy都幾懶, 好耐先有相睇. 所以趁上個weekend見面, 即刻抱番夠本, 仲有幫佢影相+拍vedio.


為左同樂樂見面, 我今次紮起d頭髮, 唔知樂樂認唔認得我呢, haha....


似乎佢對我買比佢個玩具有興趣多d喎... 唔得閒理我呢個靚姐姐

夠鐘食奶.........我似一個靚媽嗎? 哈哈.........

雖然短短10分鐘食奶既時間, 我隻手臂已經有d累, 後來仲"第"起隻腳幫手, 好彩影唔到.......

我只係負責餵奶, 之後咩"掃風"都係要交番比Cri Cri, 樂樂挨係媽媽身邊個樣好乖咁呀....... 心連心, 好sweet 呀!

食飽玩口水!

舞林皇者Aaron Kwok

中學時候已是郭富城fans, 長大後都依然喜歡佢.

雖然佢唱歌無eason咁好, 但佢跳舞真係好好睇, 好有型好有動感!

佢既演唱會我一定會捧場, 就算坐山頂位欣賞佢跳舞已經值回票價.

今次我地買$400坐第三行，要近距離接觸Aaron

不過.........今次有d失望, 佢唔係真係又頭跳到尾, 反而好似玩雜技多d, 好似玩體操單槓咁......

個舞台係好靚, 升起再加360度轉, 仲轉左好多次, 不過我坐第三行, 成晚"惡"高個頭, 條頸緊哂.

有一個環節係請女fans上台坐城城單車尾, 城城話女fans一定要under 92磅喎.... 不過都好多人舉手, 最後比城城隨意抽左個妹妹上來, 之後成埸勁噓, 聽到d人話 "佢上得台我都得啦!" 個妹妹都幾慘..... 肥左少少姐, 都算係一名靚女嘛..........回家時honey話想坐城城戰車就叫我比d心機.... 超!!

我最鍾意最後一part, 即係玩水果part, 好high呀, 個個企哂起身, 坐第三行都企上張椅到, 好興奮呀....

不過, 同城城咁近接觸又真係好正, Honey成晚不停影相，我就不停拍vedio, 我拍既片同有線娛樂新聞台一樣咁清楚tim.........唱到12點先走, 睇得出城城係好落力.

Holland Village in Hong Kong

呢個星期中環遮打花園有個Holland village in hong kong. 因為上次去荷蘭旅行玩得好開心, 所以趁有個細型既荷蘭村係香港, 要去懷念一下...

荷蘭有個好出名既cheese market, cheese export 之前要經過QC, 要磅下係咪足夠重量. 今日有個環節係可以比人坐上去個天秤到而相等幾多個cheese, 荷蘭人叫我上個秤到, 我唔制, 我話我怕over 60 KG, 荷蘭人話我似44-45kg.......... 咁客氣呀?

未睇我去上次去旅行既相, 可以再去我既album睇.....

http://www.flickr.com/photos/princessgarden/sets/72157601193349891/

非常喜歡 Eason 演唱會

31號Halloween去左睇Eason 演唱會, 好好睇呀! 好耐都無睇過3面台, 坐既位置都幾好, 唔洗側埋一面, 朋友話算正面喇!

個台好靚, 有一條好長好長既樓梯, 睇起好似好高咁, 一開場時我以為樓梯中間有條黑柱間開左, 原來係d舞蹈藝員, 好靚呀!

Eason 今次好少說話, 唱好多歌, 感覺好似當年王菲演唱會咁, 別人話王菲cool唔同人傾計, 其實我認為因為佢要爭取時間唱多d好歌比歌迷聽, 我就好欣賞.

我最喜歡呢個演唱會係eason跳舞, 係跳好多舞, 其中K歌之王係慢歌但都排到一part好好睇既舞, 好有新鮮感呀.

最後30分鐘係高潮, 劉德華突然出現, 好驚喜呀, 全場都企起哂起身, d 人high 哂!

唱到好似成11:30pm先走, 我都好滿足, 開心哂 !