冬季嘉年華

上個星期五晚去左AIA果個fun fair 喇, 係終於去左, 真係曆盡千身萬苦喇. 我係超級鍾意玩呢d機動遊戲既人, 由一開始我已經話去玩, 有時約好左又突然取消, 有時又話要等埋呢個等埋果個, 下個星期就close喇, 去之前仲話如果落雨又要改期, 我話落雨都要去, 如果唔係唔番屋企. 誓死要玩到為止．


果晚玩得好開心呀, 由7點玩到11點先捨得走，差唔多玩哂全部遊戲，每次玩完之後D頭髮都散哂，好似傻婆咁，笑死人，不過無玩鬼屋，佢地話唔好玩，一D都唔驚喎，話好low B果喎，仲有差ｄ玩唔到G force呀，話說覺得G force都係幾驚同埋應該係壓軸，咁諗住最後先玩啦, 到我地想排隊果時，工作人員話因為11pm要close, 玩完排緊果堆人就11pm所以唔比入，當時好down, 如果玩唔到就唔完美，不過突然間又比我地入喎，咪即刻沖入去排隊囉，不過好奸呀，轉得２個圈Jar, 早D既時候有10個圈架，不過都好過無得玩．


玩完之後勁累，好耐未試過喇，好似成身散哂咁, 暑假wakeboard 都無咁累呀，累到差ｄ食唔落野，最後當然有食野啦．番到屋企沖完涼即訓，累死人 zzzzzzzz　


不過果日真係super 開心呀！多謝咁多位朋友陪我玩左成晚．=>　

仲有多謝cliff 同leon 影左咁多靚相!