剛過去既星期日係Ricky既結婚大日子, 我下午參加了他的結婚典禮. 我好想記下因為實在太感動.
Ricky是我係公司因事務認識的, 做事認真快手, 別人的事也很上心落力! 他樣子傻傻, 少說話多做事但較安靜.
結婚典禮在church舉行, 唔覺得沉悶, 仲覺得幾好玩, d詩歌幾新潮架, 歌曲全部好輕快, 我都想跟住一齊唱當然無啦, 因為我都唔識唱. 我見到新娘子個身擺擺下tim! 之後到佢地致謝詞, 我覺得佢地講得好好, ricky原來口齒伶俐, 多野講但唔怕羞, 仲幾有趣, 會開玩笑. 再之後, ricky 比左個suprise佢太太, 佢自己彈結他加唱王非既" 我願意", 佢一唱我就忍唔住流眼淚, 好感動好感動, 實在太正喇..... ricky 話佢以前唱過比佢太太聽, 不過未試過係咁多人面前唱, 我覺得佢好好, 好勇敢呀!
祝他們幸福快樂, 快d生個可愛BB
10 comments:
妳結婚果陣我都好感動架(T^T)
Hi,
睇完你既blog,更加覺得你係"開心果".我只係睇,都感受都你生活既多姿多采.原來你都鐘意打保齡球,同跑馬拉松.早幾年我都好瘋狂咁打保齡球,仲學人參加比賽,最後.....梗係衰咗啦,不過總算見識過大場面呀!近兩年都無再打,因為實在太貴啦.不過睇完你既blog,又心思思想打...he!he!
幾時一齊打下呀?
多謝你今日既芝士蛋糕,好好味!我比10分.....但係"100分"滿分.哈!哈!講笑啫,其實真係好好食.不如你開間蛋糕鋪,或者開間樓上cafe呀.
等我去完旅行,再約你打波.不過我巳經很久無打,都唔知打唔打到100分,都係等我操下先啦.
Hi Catherine,
多謝妳嘅cheese cake, 好好味呀!!幾時教我整呀???
Joyce
好呀, 隨時都得!
估唔到幾個月前跟ricky吃飯聽他說還有很多東西未ready,現在已經結婚了, 時間真係過得特別快
我想upload ricky 唱歌條片上黎,不過未得閒搞呀
http://www.youtube.com/watch?v=zsFeNk9UdFY
留心 video 01:35 to 01:55
Post a Comment