相聚一刻 - part 2

馬騮因為太唔捨得我們, 突然話想回美國之前見多次面, 臨時臨急約我們見面, 最後成10個人出現. 好勁呀! 原本打算出去食飯打波, 最後踩上黃生黃太家打邊爐, 打搞佢地 :)辛苦黃太為我們準備好多好好味既食物, 特別係好有鮮味既瀨尿蝦 <---超正, 因為大家都食得太開心, 唔記得影相!

黃太 : Good, 竟然全部食哂, 聽日唔洗再打!

亞思呢個咁斯文怕羞既樣子無take 2, 要留起, haha........

飯後餘興節目係亞丙表演啤牌魔術 ................... 似乎詭到黃太太!

最後都要拍多張照, 馬騮承諾第日我們去new york 參加佢既wedding會包架專機比我們, 我都承諾住宿自己比番, haha.....

樂樂BB

每日我都去visit 幾個blog, 其中一個係好朋友Cri Cri 既blog, 因為佢宜家勤力左, 成日都有update 樂樂既相, 所以我特別鍾意上去.
上星期因為太掛住樂樂, 就衝左上去探佢. 點知佢未訓醒.
樂樂側面似佢daddy stom多d

我忍唔住要同佢訓覺影一張先, 我塊面大過樂樂塊面咁多既?

樂樂一定知琳姐姐黎同佢玩, 佢好快就訓醒, YES!........... 睇下佢個傻樣幾可愛 :) 之前買左餅仔比樂樂食, 媽媽話未食得住, 最後都係抱住佢飲Apple juice算了....
6個月既樂樂未識講野住, 不過宜家同佢玩佢會ka ka 笑, 仲笑唔停..... 我都玩到成身汗佢都仲想玩咁, 唔得, 下次我都訓個下午覺先同佢博過! : )

相聚一刻

我們的好朋友馬騮上星期從Chicago回來渡假, 我自己就期待左成個星期,左想右想去邊到食飯好呢, 最後終於選擇係九龍灣Ruby Tuesday 勁食左一餐, 太開心了!

馬騮既吸引力都幾大, 其實早之前各人收到佢email說回來都話要請定假見面, 雖然Carmen要工作不能來, 但你的心意, 馬騮是知道的! 甘先生成晚不停同主角傾計, 究竟佢地有咩咁好傾呢? 耶穌要唔要買保險?
唔知係咪有半價既關係, 特別食得開心, 不過我就最愛呢個甜品tall chocolate cake, 好好味!
我原本帶左 "得意動物餅"比Ricky囡囡芯頤, (要跟小朋友抱抱, 零食不少得) 不過因為前一晚發燒所以無出來, 不過比我們發現得意動物餅改了名叫 "愉快動物餅".....幾時改既呢?

與碧咸約會

星期日下午約左我既碧咸係大球場見面, 佢未轉身我已經知係佢, 佢真係好有型, 有型到連行步路都型過人, 唔係誇張!

靚仔唔再講, 佢身材都好正, 零脂肪, 仲好好精神, 體力好好!

我覺得佢係銀河真係有點可惜, 佢既技術真係國際級, 左腳右腳點斬都好準, 交波傳波永遠傳到隊友腳底, 絕對唔係渣流灘.

我覺得可惜係呢隊並唔可以令碧咸發揮佢既水準, 唔係幾配合到, 其實有幾個隊友既速度都唔可以叫有速度, 慢慢跑, 等波踢, 我唔知呢名17號Xavier係邊個, 不過佢就一定無比心機踼囉

你睇碧咸佢射12碼幾輕鬆又隠陣!

當日除左貴票觀眾位想坐之外,有好幾個位置我都願意做, 例如好想時時都mark住佢既6號.

又例如球証! 就算比佢*&^%$#@!都制!

外球球証咁近梗係制!

比佢勁射"散"中都制!

仲有企足全場無得坐既記者, 制!

完場時2隊球隊都會同對方交換球衣, honey話件衫咁臭邊有人鍾意, 只係個儀式

我就唔係咁諗, 我好想要碧咸件臭汗衫呀!