星期日下午約左我既碧咸係大球場見面, 佢未轉身我已經知係佢, 佢真係好有型, 有型到連行步路都型過人, 唔係誇張! 
靚仔唔再講, 佢身材都好正, 零脂肪, 仲好好精神, 體力好好!
我覺得佢係銀河真係有點可惜, 佢既技術真係國際級, 左腳右腳點斬都好準, 交波傳波永遠傳到隊友腳底, 絕對唔係渣流灘.
我覺得可惜係呢隊並唔可以令碧咸發揮佢既水準, 唔係幾配合到, 其實有幾個隊友既速度都唔可以叫有速度, 慢慢跑, 等波踢, 我唔知呢名17號Xavier係邊個, 不過佢就一定無比心機踼囉
你睇碧咸佢射12碼幾輕鬆又隠陣!
當日除左貴票觀眾位想坐之外,有好幾個位置我都願意做, 例如好想時時都mark住佢既6號.
又例如球証! 就算比佢*&^%$#@!都制! 
外球球証咁近梗係制!
比佢勁射"散"中都制!
仲有企足全場無得坐既記者, 制!
我就唔係咁諗, 我好想要碧咸件臭汗衫呀!
11 comments:
比你做到以上幾個位置就慘啦, 做紅衫6號仔, 人地叫你mark住佢, 你就攬住佢, 做球証, 我驚你吾係@/*&$, 而係不停向佢示愛, 做外球証, 掛住望靚仔, 個波出左界你都睇吾到, 做記者, 返到報館老細以為成場波得碧咸一個, 至於比人"散"果個, 你見佢起腳既英姿, 吾比佢"散"中, 你都暈啦!!
你都真係顛得幾勻循....比你做佢身上的一條毛,我想你一定已經好滿足..做咩球証呀...哈!
Meko
咁了解我既?
係呀, 上半場我負責影相, 差唔多張張都係我既碧咸, 後來honey自己都搶番部機影!
haha... 你仲了解我, 做佢條毛, 成世黏住佢都唔錯喎.....
點好呢, 做佢邊條毛好呢.... 諗下都開心!
oh my god! 失覺晒!
我仲以為那張"草地影后"是互聯網下載!
good take!
洗咩講!
點解我又無得去睇GA, 唉!!!!
三分一人睇jar woo... 你無去買票?
上次就要上堂, 今次就有親戚結婚仲要搞午宴, 點去wor
我地划艇比賽完都會同其他國家隊交換隊衣架！
Sonia
Post a Comment