愈人節生日快樂

朋友問為何沒聽見生日去那裡慶祝

事實今年的生日沒有太特別, 心情一樣的好, 只是平平度過!
生日正日要上班, 工作忙到晚上9時才下班, 原本book左食buffet時間一改再改,最後只好跟honey到soho食餐勁既, 雖然好貴不過好值得 :)

Honey係美心餅店買了個旦糕給我, 我見到果外表以為一般既生日旦糕, 原來好好味架, 全個旦糕用旦白做架, 不過我最欣賞係餅低, 點解所有旦糕既餅低都咁好味既呢?

生日食個生日旦糕已經好滿足了 :)

仲有生日果2個星期食左幾次生日飯, 其實仲有好多朋友話要請食飯, 大多數我都婉拒了, 告訴佢地我太忙, 其實好多謝佢地, 只是我唔想佢地破費就真..... 有些約了出來最後我請客, 我反而挺開心 :)

多謝哂!

劉美君演唱會

上星期去左睇劉美君演唱會

小時候家姐鍾意劉美君我又跟住鍾意, 今次佢第一次係香港開演唱會, 都想支持下.

我記性太好, 又可能我太鍾意唱歌, 有90%既歌我都識一起跟住唱 :p

當日嘉賓係林海峰同草蜢, 佢地2個單位出場就當然係高潮, 亞jan無特別, 草蜢唱歌跳舞不嬲都好好睇, 仲有梁家輝!

我覺得劉美君已經係實力歌手, 其實佢只係唱歌都已經好足夠, 反而佢表演d咩色情效果我就麻麻地... 不過咁多年佢把聲都一樣無變過, 一樣咁好聽!

曲奇制作班

星期二dodo突然打比我話有個曲奇制作班, 問我放工得唔得閒, 我見上2個星期工作得咁辛苦, 於是答應放工後就跟佢輕鬆一下.

去到先知原來唔係實習班, 無得落手做, 只係某某大廚示範, 二廚協助, 我們只可遠觀, 我們仲坐到最後比好多同學仔既大頭"姐"住睇唔清楚, 都只係用天花反射既鏡黎睇, 好可憐啊............

雖然無得親手制作, 不過我都有做筆記, 希望有天可以成為三廚, 又或者開自己既餅店, 名都改了, 就是http://www.princessbakery.com/ , 希望好似赤柱Jenny一樣咁好味 :)

好彩最後都有得食, 幾種唔同款式都好特別, 可能太過另類, 我覺得麻麻地好味! 咖啡色圓形果個係法式杏仁馬加濃Macaroom, 出面買要好貴架, 賣得貴因為功夫多和時間長, 不過好甜, 我下次會制作一個只係小小甜, 相信一定好好味! :)

盤龍峽3日遊 (三)

第二晚既酒店就係呢個薰衣草木屋別墅, 一見到已經好興奮, 因為實在太靚, 好似我日日夜夜睇既北海道書一樣, 加上之前既景點都係無咩顏色, 所以一入到酒店就忍唔住大叫大跳. 中午食飯時, 領隊仲恐嚇部份住木屋村既幾位團友小心有曱由, 當其他團友見到我們既木屋酒店, 佢地不知幾善慕!

成個度假村都好靚, 有溫泉, 仲有spa, 地方好靚

今年香港小姐都係呢係呢到玩, 我都做個最上鏡小姐先 :p

下午仲去左個盤龍峽風景區, 有好多野睇, 好多大大小小既瀑布群, 仲有唔同既風車, 都幾靚架!

盤龍峽3日遊 (二)

第二天食過早飯就出發

地方大, 景點去景點都要坐車, 中途遇上窒車, 大家都下車行下, 正! 又可以練習!

我時常會用honey影既相做demo, 自己再試下點先影得靚.

我喜愛用直倒, 不過似乎佢果張鏡內景象清楚d.... 我影左好多次都唔成功, 出錯在那裡?

團友搭訕, 問Honey "D80 好用嗎? 我部 D300 都唔錯 .............."

景點 : 一千多年歷史 "金林山水"全部都係風景, 正!

有豆腐花食! 1元1碗好平啊!

花生混埋唔同既酒一起煮, 當晚係酒店食唔停, 第二日牙肉腫仲有即生倉, 不過真係好好味!

行過呢到長壽門就可以長命百歲!

盤龍峽3日遊 (一)

上星期去左個大陸短線旅行, 朋友們唔信我會番大陸玩, 亦唔信我會跟旅行團, 佢地話我嬌生慣養扺唔住大陸既環境, 亦唔會坐定定聽導遊解說.......


事實我真係參加左中旅社盤龍峽3日遊, 其實我都係臨時決定.


前一晚仲諗緊自由行上海好定台灣好, 最後敵不過"懶", 於是是旦打電話比d旅行社問下有咩玩, 等人安排自己可以舒服下, 就係咁決定左, 仲快過買菜.


不過我想我應該不適合參加旅行團亦不適合去中國比較落後既地方玩, 我真的很怕那裡的洗手間,每次我都是用9秒9番出來, 咩奇怪野都有, 無門無水好似係基本事,地下又濕又滑, 仲有大把飛來去既螥蠅.....好驚好恐怖呀!

2晚酒店都好呀, 第二日既薰衣草木屋仲正, 好似去左北海道咁呀!

只於食方面, 2餐早飯我好滿意呀, 其他就...... , 餐餐都8個菜一個湯,團友們都食得好開心, honey話已經係大陸標準, 只是我太小姐吧........ *&^%$#@!

盤龍峽原來都幾遠, 係德慶果邊, 即係肇慶果邊, 坐2個鐘船再坐2個鐘車, 坐到pat pat痛哂, 都咪話唔辛苦! 朋友話 "又唔見你話坐十幾個鐘去歐洲辛苦?" .................. "Hee............點同呢?" : >

其實中國大陸地方咁大, 都有好多靚境既... 又係練習影相好時機.

景點之一: 中國硯都百年文化村, 了解端硯歷史文化

景點之二: 盤龍洞, 欣賞洞內岩上長出剔透玲瓏玉石

洞內既石係幾靚架, 有好多都係幾百年既歷史

遠望盤龍洞, 盤龍洞就係呢幾座山內上上落落

雲浮五星級凱旋酒店, 好OK, 無投訴!

士多啤梨樂園遊

復活節假期去左好多地方玩, 當中走左去士多啤梨樂園擇士多啤梨, 香港有幾個呢d樂園, 我地果日去左元朗果個.

遠睇場地時心情都幾興奮! 行近d好似好麻麻地, "咁細粒既?"

不過一場來到就玩下啦. 每人$20入場, 擇到半磅$30可以帶走.

幾個月前見mommy擇好多又大粒又甜既士多啤梨回家, 為何今天見果d細粒咁多而又有d爛既?

不過擇擇下, 原來都有好多又靚又大粒, 所以又開心番哂 :)

練習影靚相係我08年既target, 呢張係我覺得最有feel既, honey話我抄magazine喎.... 車, 佢抄唔到唔扺得!

最後當然有得食啦, 食到一半先記得影相......

隔離仲有個荔枝山莊, 一個普通既休閒公圓, 有馬有牛睇, 不過我全部都無興趣..........喊住要走....

Honey話帶住相機又加上帶住我d帶左出街又唔用既野咁重, 要坐下歎番柸雪糕先走!