8 個月的生活照

仲有8星期寶寶就要出來, 又可能會早D, 最後果個2個星期又盡量唔好出街, 所以趁仲行動輕鬆既時候, 要去拍下大肚照先 :)

今日要著件貼身d既衫, 仲有側多d身, 可以影得肚子大大的, 哈哈!

倒數

11月30日 - 寶寶32週

32週即係懷孕第八個月
仲有2個月寶寶就出來了
別人話其實唔夠8個星期小寶寶就急急出來喎
醫生都話36,37週都有機會作動
咁即係仲有4-5星期就出來?
咁突然? 令我有d緊張

寶寶現在有4.5磅, 醫生上次已經話寶寶係大隻b
話最後果2個月仲會每兩星期會重一磅
計計下, 寶寶出來時咪即係8.5磅?
咁大隻好驚喎....

醫生又要我控制下體重喇
其實我都唔算食好多野
係寶寶叻我食咩佢吸收咩姐 :)

游來游去

11月20日 - 寶寶31週

踏入7個半月,寶寶在我肚子裹時常游來游去既情況有增無減, 有時還大大力舉手舉腳, 昨晚仲醒左daddy一大腳, haha...鬼叫daddy 成隻耳仔貼住媽媽肚皮, 阻住寶寶聽媽媽講笑話咩 :D

每天郁得最勁就是當我放工前, 郁到肚皮上上落落好多波浪咁, 好像叫我快d放工, 離開沉悶既辦公室
第二勁就是每天早上我唔肯起身番工, 寶寶就係咁叫醒我, 話遲到喇, 遲到喇喇.... 我起身佢又識訓番
晚上食完daddy既愛心晚餐, 就是第三郁得多既時候, 其餘都是普通興奮既郁動
雖然有時大大力踢我一腳, 果一腳仲會大力到令我 "丫" 一聲, 不過這全部都也是我最享受的:)

有經驗既媽媽話寶寶漸漸長大, 肚子裹既空間相對會減少, 慢慢寶寶就郁少D

我唔捨得啊.....

7個月的生活照

這個明明是Princess Garden, 總不能給小寶寶搶去風頭, 我都要定時出下鏡先 :)

上星期放假忙住請工人姐姐和準備生產前生產後既安排之外
有2日跟honey遊車河拍下照, 這就是我7個月的樣子.

其中走左去大埔鐵路博物館, 地方原來唔係好大, 無野玩既, 得幾架火車同條長路軌
有人影結婚相, 有學生著畢業袍影相, 有好多小朋友, 我就影下大肚相啦.

我真係有Potential 做攝影師架, 你睇我影honey果幾張都幾好呀!!

寶寶4D相

10月25日 - 寶寶27週

上星期去羅醫生到覆診, 醫生幫寶寶影左2張4D相, 勁開心呀!

話說honey不贊成我用$800幫寶寶影4D相(朋友介紹下$800有4-5張係最平架喇)
honey覺得無咁既需要
又覺得有少少似標本,又有d核突嚇人
其實我自己都有d覺得既
佢話如果係用黎比寶寶做健康檢查之類就值得去做

我話寶寶長大後一定想知道佢係媽媽肚裹時係咩樣子
honey話其實係我自己貪得意自己想睇
佢話仲有3個月就跟寶寶見面, 佢等得!

宜家羅醫生私人醒左張比我, 唔洗出去比錢, 開心哂 :)

我同honey都爭著話寶寶似自己多d....

寶寶, 我又比朱古力同ice-cream你食, 似我啦似我啦....

1人2單位

我是家中的小霸王,我時時偷懶,會叫honey幫我呢樣果樣, 例如倒水開電視.....
佢話呢d "呢樣果樣" 太簡單考佢唔到, 佢要我自己做番.

現在有了小寶寶, 地位又改變了, 哈哈...

"honey, 我同寶寶想飲水"
"honey, 寶寶想食雪糕喎"
"honey, 寶寶想試下益力多咩味喎"
honey就會撲去雪櫃拿水拿雪糕拿益力多比我

"daddy, 寶寶想食百力支"
"daddy, 寶寶話想食朱古力喎"
一聽到叫daddy, honey會放我一馬隻眼開隻眼閉

honey有時會問, 你們2個訓覺未啊? 你們2個肚餓未啊? 你們2個食唔食水果呀?

唔知幾時開始, 我一個人已經變左2個單位 :>