10月25日 - 寶寶27週
上星期去羅醫生到覆診, 醫生幫寶寶影左2張4D相, 勁開心呀!
話說honey不贊成我用$800幫寶寶影4D相(朋友介紹下$800有4-5張係最平架喇)
honey覺得無咁既需要
又覺得有少少似標本,又有d核突嚇人
其實我自己都有d覺得既
佢話如果係用黎比寶寶做健康檢查之類就值得去做
我話寶寶長大後一定想知道佢係媽媽肚裹時係咩樣子
honey話其實係我自己貪得意自己想睇
佢話仲有3個月就跟寶寶見面, 佢等得!
宜家羅醫生私人醒左張比我, 唔洗出去比錢, 開心哂 :)
我同honey都爭著話寶寶似自己多d....
寶寶, 我又比朱古力同ice-cream你食, 似我啦似我啦....
7 comments:
睇寶寶o既輪廓面尖尖，兩個都似啦！爭乜鬼？！
最緊要係健康精靈聰明活潑可愛啦！哈！哈！
Amanda
緊係要爭下啦,話哂都接哂我d優良DNA嘛!
精靈聰明活潑可愛咪就係我既DNA囉, haha..
好可愛呀! 真係可以咁清楚嫁..我都好期待可以快D到我去照呀..
快架喇快架喇....
BB係肚子裹游來游去仲可愛, 我都想你快d feel 到呀!
喂!有0wan feel喎!
Cri.
而家都未知最似係你地邊個, 等出左世就知, 可能細過似爸爸, 大過似媽媽咁靚呢..
眼精似daddy都好既, 大d嘛 :>
Post a Comment