今次仲要全身都係 :(
Daddy出trip果晚寶寶喊得好勁, 因為喊到成身汗, 送走左daddy就同Isaac沖涼降溫
點知就發現成個背部都紅哂
果晚我同Baby都訓得唔好
點知第二日早上8點幾, 就見到成隻腳底都出哂pok pok, 係成隻腳都係, 無一塊好肉, 好得人驚, 連平日好冷靜既姨媽都話要即係睇醫生, 我就好擔心好擔心
因為無預約又咁岩係星期日, 等左2個幾鐘差唔多3個鐘
醫生話可能天氣轉變, 時冷時熱, 又潮濕, Isaac本身又怕熱又敏感, 排唔到汗就出粒粒, 咁點解會有水pok, 醫生話毛孔窒住, 之後比左第二隻藥膏有消炎成份
到左夜晚6點幾7點見到pok pok越來越多, 好驚好擔心,擔心到喊, 又心痛
我話想去睇多次醫生, 又唔知去邊到睇, 打電話問左幾個兒科醫生都無夜診睇
左問右問, 又話要送baby入醫院, 又話Tuen Mun醫院好, 又話沙田仁安好, 又話法國醫院, 但當晚無一個有兒科醫生睇, 間間醫院都只係普通係門診
最後搵到浸會醫院有兒科醫生就即係飛出去, 點知個醫生都唔知係咩, 只係問痕唔痕, 我點知?我又唔係baby我點知?!!!! 我話見到佢腳仔踢踢咁囉, 最後果個醫生都係開左支止痕膏
果晚差唔多1點先番到屋企, 擔心得滯成晚無訓覺, 又打唔到電話比daddy, 不停send sms比佢, 我喊到2隻眼都腫哂
第二日我見baby無咩進展, 我仲想去搵第三個醫生, daddy叫我冷靜D, 我忍唔住打電問醫生, 醫生話整損左都要比D時間康復, 咁細個又唔想比藥BABY食, 話揸藥膏係會慢D但都會好, daddy話如果再睇第三個醫生, 講D野又同之前2個唔一樣, 咁我就會梗加亂, 最後我都迫自己要冷靜處理
揸左幾日藥膏後加上天氣又涼番少少, baby好似好番好多, 我個心先定下來
之後上綱又問下人問下有經驗既媽媽, 有人話係濕疹? 有人話係黃金葡萄球菌 ? 定只係太敏感呢?
到宜家都唔知係咩事
我太緊張喇, 亦都無想起要影相
不過baby isaac答應媽媽佢會好番, 以後都會身體健康
媽媽先開心番哂!
Baby, 你要加油啊!
No comments:
Post a Comment