11月20日 - 寶寶31週
踏入7個半月,寶寶在我肚子裹時常游來游去既情況有增無減, 有時還大大力舉手舉腳, 昨晚仲醒左daddy一大腳, haha...鬼叫daddy 成隻耳仔貼住媽媽肚皮, 阻住寶寶聽媽媽講笑話咩 :D
每天郁得最勁就是當我放工前, 郁到肚皮上上落落好多波浪咁, 好像叫我快d放工, 離開沉悶既辦公室
第二勁就是每天早上我唔肯起身番工, 寶寶就係咁叫醒我, 話遲到喇, 遲到喇喇.... 我起身佢又識訓番
晚上食完daddy既愛心晚餐, 就是第三郁得多既時候, 其餘都是普通興奮既郁動
雖然有時大大力踢我一腳, 果一腳仲會大力到令我 "丫" 一聲, 不過這全部都也是我最享受的:)
有經驗既媽媽話寶寶漸漸長大, 肚子裹既空間相對會減少, 慢慢寶寶就郁少D
我唔捨得啊.....
14 comments:
wow! congratulations, princess! i just dropped by your blog and realized that you are pregnant! I feel so old!
Again, congrats! Time flies truly!
Yvonne
唔駛唔捨得啦…遲啲揾塊大既奏仔布連埋個B唔好咩心口，又唔好咩背脊，咩响個肚度，我諗差唔多掛！
(再叫B整幾個波浪你嘆...Heeee....)
二姐二姐...
我有好多野未同你講呀！首先我唔識用你個blog啲留言呀、睇呀，搞到我都唔知自己去咗邊！
你有冇睇"珠光寶氣"呀，嗰三姊妹走埋一齊嗰啲部分都幾似我哋喎！(不過下次先講邊幾個情節，唔想打咁多字！)
另外，我平時費是打比你啦！打親比你，你都唔想同我講野既，我諗你一定係食緊熱浪啦、唔係食繄熱浪，就一定係掛住.波浪.啦！哈！
你笑...我都唔知做咩乜無啦啦咁多爛ge，可能你個blog多爛ge，我先爛ge！
仲有呀，靈魂近期咁好笑口既，睇佢啲相又笑得幾開心喎，見佢真人，連佢食緊啖飯呀，個咀兩邊咀角都向上撓起咗！
冇野喇，唔講爛ge喇…仲有呀我未同你講我有出牙仔出！智慧齒！
仲有，好凍呀，你係咪唔比以前唔駛著咁多呀！bye
Hi Yvonne, I thought i told you in the facebook or somewhere. You're not old, 寶寶可以叫你yvonne 姐姐 :)
haha...都好主意喎... 不過寶寶好有性格, 唔係你叫佢整波浪就整, 到時你咩佢係心口試下啦
我唔係成日睇珠光寶氣, 不過有日我都覺得幾似我地, 我一定唔係二妹, 我醒過佢好多.
我blog 留言唔難呀, 邊到有問題呢?
你最近有同靈魂見面咩? 你又知佢開心?
我仍然著好多衫呀, 我仍然怕凍喎, 唔同其他媽媽咁怕熱
哈...
一睇就知你兩姊妹少見面!
路人甲CRICRI.
QQ,
我鍾意你呢個ge,"唔係食繄熱浪，就一定係掛住.波浪."
哈...
CRI.
QQ 成日send baby 既web比我睇,話呢到平果到平, 我叫佢不如直接買比我啦, 你話係唔係? :)
多謝CRI CRI欣賞！
另外，答二姐係喇！
QQ,
我今晚第一次睇珠光，大概都估到劇情，你應該係二尾，低能妹咁!
似乎大家都喜歡在我個blog到同其他人對話蹯!
你依家唔捨得佢出o黎，but第時佢出o左o黎之後
對你又係另一番新的體驗！^^
＜珠光寶氣＞，Bogie有大姐強捍、高效率的做事作風；Carkey就似二妹咁單純，不過唔係蠢！至於QQ，冇乜似邊個喎....hee...hee... :p
From DaDa
我當然知道寶寶出來後又另一回事啦... 我都好期待 :) :) :)
二尾係有d低能妹咁我唔要似佢呀!
Post a Comment